Do what you love

توصل بحياتك لمرحلة معينة تحس ان ودك تنجز شي، ودك تستانس أو تحقق هدف أو إنجاز ما تدري شنو أهو

في هالمرحلة في حياتك تبتدي تدور عن اللي يسمونها “هواية” و تنقز من وحدة لي الثانية على أمل ان وحدة منهم تجذبك لها و تستمر فيها أو حتى تبدع فيها أكثر من غيرك. اذا ما لقيتها لا تستسلم لان موضوع مثل هذا يبيله وقت على ما يبين

وإذا لقيتها فـ هنيئا لك لأنك واحد من الأقلية اللي يلقون شي يحبونه. بتحصل لك ناس تمدح شغلك و تشجعك تكمل و بتحصل لك ناس تنافسك في هالمجال وكأنك تخطيت حدودك لما قررت تمارس هوايتهم المسجلة بإسمهم اهما فقط ولازم تاخذ اذن قبل لا تسوي أي شي. وبتحصل الواقعيين اللي ما يفلترون الكلام ويقطونه بالويه وبعض المرات تعتقد انهم حقيرين بسبب اسلوبهم “الجميل”

انت بإيدك تختار منو تسمع و تتأثر فيه ومنو تطنشه و تسمعه مثل ما تسمع اخوك الصغير اللي بالروضة وأهو يقول عن البنات “ويييع” :p

بعض الهوايات يمكن تكلف و بعضها يبيلها تفكير وإبداع و بعضها محتاج لها وقت وبحث عشان تحصل الناتج اللي تبيه بس هذا ما يمنع انك تجرب كل شي.

كل واحد يسوي اللي يبيه و مثل ما يقول المثل:

” Follow your passion, and success will follow you. ” – Arthur Buddhold