Horoscopes
كلنا مرت علينا الحالة اللي نقعد نقرا “حظ برجك اليوم” في الجرايد أو التويتات. كلام يمكن بعضكم يصدق ان صج و يتعب وإييب أدلة يثبت فيها ان الكلام صح. و العكس صحيح ، ناس تتعب وتبحث و تسوي اي شي عشان تثبت ان الكلام اللي ينقال عنهم غلط وماله وجه من الصحة.
شي لاحظته من زمان و قرأته في مكان ما قبل فترة ان لو ما تقرون رأس الـ “حظ” المكتوب و تخمنون الشخص المعني او حتى تعتقدون ان هالشخص اهو انتوا ، راح تصدقون لأن الكلام المكتوب عادة يكون كلام عام ماله تحديد في وقت او كمية.
أمثله:
– قد تتعرض لمحاكمة او محاسبة، ضع حدا لكل نزاع.
أي احد ممكن يتعرض بأي يوم لأي درجة من المحاكمة او محاسبة و كل احد لازم يحط له حد لكل نزاع.
– يحالفك الحظ لتحقيق امنية ما، حتى انك تظهر عن جرأة وشجاعة
ان شاء الله يحلفني الحظ ليش لا :p
– ترى الناس مجانين ويتصرفون بدون عقل
شوارع الكويت كل يوم ميانين ويتصرفون من غير عقل -_- ما قالوا شي يديد
يالحمل، يالقوس، يالأسد ، أيا كنتم من هذي الأبراج راح يمشي الموضوع معاكم حتى لو بشكل يومي.
انك تستفيدون من معلومات تحصلونها من الأبراج الفلكية شي حلو بس إنكم تؤمنون ان الكلام اللي ينقال لكم منه كلام مضمون 100% خطأ ويمكن ينضحك عليكم بسببه.
هذا الكلام رأيي الشخصي واتمنى محد يفهمني غلط فأنا ما اقصد الإساءة لأحد
وشكرا